KAM DËGJUAR SE NUK DONI TË MËSONI
Kam dëgjuar se nuk doni të mësoni asgjë.
E qartë: jeni milionerë.
E ardhmja juaj është e siguruar-
Ajo është para jush në dritë të plotë.
Prindërit tuaj kanë bërë aq sa këmbët tuaja
Të mos përplasen në asnjë gur
Atëherë nuk duhet të mësoni asgjë.
Mund të mbeteni kështu siç jeni.
Dhe nëse, sidoqoftë, ka disa vështirësi që nga ajo kohë,
Siç kam dëgjuar, janë të pasigurt
Ke shefat e tu që ta thonë saktësisht atë
Që duhet të bësh gjersa të jesh mirë.
Ata kanë lexuar librat e atyre
Që dinë të vërtetën
Që kanë vlerë për të gjitha kohët
Dhe recetat që të ndihmojnë gjithmonë.
Meqenëse ka kaq shumë që mendojnë për ty
Nuk duet të lëvizësh qoftë edhe një gisht.
Por nëse, s’është kështu
Atherë do të të duhet të studiosh.
