Vendimi i shumë shteteve për të rihapur shkollat që ishin mbyllur mund të rrezikojë një valë të dytë të infeksioneve, sugjerojnë disa studime.
Shumica e rasteve me Covid-19 tek fëmijët janë me simptoma të buta, por studimet sugjerojnë se fëmijët mund të luajnë një rol të madh në transmetimin e virusit tek njëri-tjetri dhe tek të rriturit e dobët – dhe se mbajtja e shkollave të mbyllura për më gjatë, mund të ndihmojë në ndalimin e përhapjes së koronavirusit.
Një studim i kryer në Kinë dhe botuar në revistën Science javën e kaluar sugjeroi që mbajtja e shkollave të mbyllura mund të zvogëlojë infeksionet dhe të vonojë epideminë. Ata vlerësuan se heqja e të gjitha ndërveprimeve që zakonisht ndodhin në shkolla për fëmijë deri në 14 vjeç do të çojë në një ulje të numrit mesatar ditor të rasteve të reja me rreth 42%. “Në përgjithësi, politikat e mbylljes me bazë shkollore nuk janë të mjaftueshme për të parandaluar plotësisht shpërthimin e Covid-19, por ato mund të ndikojnë në dinamikën e sëmundjes,” thanë studiuesit.
Një studim nga Shenzen, në Kinën juglindore, botuar në revistën Lancet në prill zbuloi se fëmijët kishin të njëjtin rrezik të kontraktimit të koronavirusit, si pjesa tjetër e popullatës, por rrallë shfaqnin simptoma të rënda.
Një studim tjetër në prill i postuar në rrjetin gjerman të Kërkimeve të Sëmundjeve Infektive Zoonotike sugjeroi që fëmijët kishin më pak të ngjarë të preken rëndë nga Covid-19, por nuk treguan nëse shanset e tyre për t’u infektuar ishin më të ulëta.
“Asnjë nga këto studime nuk është përfundimtare, por po ndërtohet një panoramë,” tha Clarke. “Në këtë fazë, kur ne thjesht nuk dimë sa duhet në lidhje me ndjeshmërinë e fëmijëve për t’u infektuar nga virusi dhe për ta transmetuar atë, atëherë nuk duhet të gabojmë sa i përket kujdesit”.
Vende si Kina, Tajvani, Danimarka dhe Izraeli kanë rihapur shkollat dhe të tjerë shtete po mendojnë të bëjnë të njëjtën gjë. Mbretëria e Bashkuar raportohet se po mendon rihapjen e shkollave për fëmijët më të vegjël më 1 qershor.
Numri i rasteve të infektuar me koronavirus po bie në shumë vende pasi distancimi shoqëror dhe mbyllja e shkollave u zbatuan. Tani që duket se qeveritë mund të jenë në gjendje të heqin disa kufizime, shumë janë të etur për t’i rikthyer studentët në shkollë, veçanërisht fëmijët e vegjël, për t’i lejuar prindërit e tyre të kthehen në punë.
Por për sa kohë që ne ende nuk e dimë se sa infektivë janë fëmijët, udhëheqësit do të duhet të jenë vigjilentë për të siguruar që një kthim në klasa nuk do të thotë rikthimin në nivelet më të këqija të pandemisë. / bota.al
