DETAJET/ Si ra portieri i Partizanit nga kati i gjashtë, kalon rrezikun për jetën

Aldo Teqja duket se e ka kaluar rrezikun për jetën. Portieri i Partizanit, që ra mbrëmjen e sotme nga kati i gjashtë i pallatit, gjendet në Spitalin e Traumës, por për fat të mirë pa thyerje në shtyllën kurrizore.

“Panorama Sport” mëson se 24-vjeçari është përplasur me një tentë gjatë rënies, dhe tashmë nga kontrollet në spital, vërehet se nuk ka thyerje, por vetëm shembje. Mjekët po shikojnë për hemorragji të brendshme, si edhe probleme në shtyllën kurrizore, të cilat mund të shfaqen më vonë te lojtari.

Për momentin ai gjendet ende në spital, dhe në orët në vijim priten edhe analizat më të specializuara, që do të përcaktojnë gjendjen e Teqjes.