Hulumtuesit e Institutit izraelit për Teknologji dhe Shkencë, pohojnë se çaji i gjelbër mposht erën e keqe të gojës, por edhe redukton rrezikun e zhvillimit të karies dhe kancerit të gojës.
Dihet që çaji jeshil, kjo pije e shëndetshme, mund të ndihmojë në mbrojtje nga sëmundja e Parkinsonit ose Alzheimerit.
Po ashtu, shkëlqyeshëm ka ndihmuar edhe në luftën kundër kilogramëve të tepërt, si dhe në uljen e kolesterolit.
Çaji i gjelbër fitohet nga bima e njëjtë si çaji i zi, por procesohet në mënyrë të ndryshme, çka do të thotë që përmban më pak kafeinë dhe më shumë polifenole. Pikërisht në polifenolet qëndrojnë përfitimet e tij!
Kështu dy filxhanë me çaj e pasurojnë organizmin me sasi të njëjtë antioksidantësh sikur të kishit konsumuar njëherësh pesë porcione me perime dhe dy mollë.
