Në protestën e organizuar sot nga opozita e bashkuar, Partia Demokratike pretendon se policia në shenjë hakmarreje ka ndaluar kryetarin e PD-së në Fier, Luan Baçi dhe ka dhunuar djalin e tij.
“Edi Rama hakmerret ndaj Fierit. I dhunon djalin dhe ndalon Kryetarin e PD Fier, ish deputetin Luan Baci”, shprehet PD.
Partia Demokratike publikon edhe videon e momentit ku djali i ish-deputetit Baçi, pretendohet të jetë dhunuar nga policia.Ndërkohë, ish-deputeti Luan Baçi nuk kursen as paralajmërimin për policinë.
“Unë jam Luan Baçi. Më qifshi nënën, mbajeni mend se çfarë do t’ju bëj. Çuna mos u trembni se këta janë legenë. Mbajeni mend se çfarë do t’ju bëj, kaq po ju them.”, dëgjohet gjatë videos ish-deputeti.
“Si e qëlloni nuk ju vjen zor. Ai është fëmijë. Nuk ju vjen zor juve kështu do e bëni shtetin”, dëgjohet një qytetar, i cili ndodhet pranë ish-deputetit Baçi dhe djalit të tij në momentin që policia i ndalon.
