Gjykata ka marre vendim sot per 6 efektivet e Portit te Durresit, te ndaluar me akuzen se merrnin deri në 1 mijë euro për të kaluar ilegalisht persona që kishin probleme me ligjin.
Ne seancen e sotme, per 5 prej efektiveve eshte caktuar detyrim paraqitje dhe hetim i lire, nderkohe vetem per nje eshte vendosur “arrest shtepie”.
Vendimi i gjykates sot per policet e arrestuar ne Port, si me poshte:
Te pranojë kërkesën e Prokurorisë së Rrethit Gjyqësor Durrës,të datës 04.03.2019.
1.Të vleftësoj të ligjshëm arrestimin në flagrancë dhe vendosjen e masës së sigurimit personal atë të “arrestit në shtëpi” të shtetases Greta Batusha, i dyshuar për kryerjen e veprës penale të “Korrupsionit pasiv të personave që ushtrojnë funksione publike”, të parashikuar nga neni 259 të Kodit Penal.
Ajo duhet të qëndrojë në banesën e saj dhe nuk mund të largohet prej saj pa lejen e prokurorit.Zbatimi i kësaj mase duhet të kryhet nga oficeri i policisë gjyqësore përkatës në këtë çështje.
2.Të vleftësoj të ligjshëm arrestimin në flagrancë dhe vendosjen e masës së sigurimit personal atë të “Detyrim paraqitje para policisë gjyqësore” të shtetasit Durim Zeka, i dyshuar për kryerjen e veprës penale të “Korrupsionit pasiv të personave që ushtrojnë funksione publike”, të parashikuar nga neni 259 të Kodit Penal.Ai duhet të paraqitet të hënën e parë e të tretë të çdo muaji nga ora 11.00-12.00.
Urdhërohet lirimi i tij i menjëhershëm, në rast se nuk mbahet për ndonjë vepër tjetër penale.
3.Të vleftësoj të ligjshëm arrestimin në flagrancë dhe vendosjen e masës së sigurimit personal atë të “Detyrim paraqitje para policisë gjyqësore” të shtetasit Arjan Gjyzeli, i dyshuar për kryerjen e veprës penale të “Korrupsionit pasiv të personave që ushtrojnë funksione publike”, të parashikuar nga neni 259 të Kodit Penal. Ai duhet të paraqitet të hënën e parë e të tretë të çdo muaji nga ora 11.00-12.00.
Urdhërohet lirimi i tij i menjëhershëm, në rast se nuk mbahet për ndonjë vepër tjetër penale.
4.Të vleftësoj të ligjshëm arrestimin në flagrancë dhe vendosjen e masës së sigurimit personal atë të “Detyrim paraqitje para policisë gjyqësore” të shtetases Dorina Doganaj, e dyshuar për kryerjen e veprës penale të “Korrupsionit pasiv të personave që ushtrojnë funksione publike”, të parashikuar nga neni 259 të Kodit Penal. Ai duhet të paraqitet të hënën e parë e të tretë të çdo muaji nga ora 11.00-12.00.
Urdhërohet lirimi i saj i menjëhershëm, në rast se nuk mbahet për ndonjë vepër tjetër penale.
5.Të vleftësoj të ligjshëm arrestimin në flagrancë dhe vendosjen e masës së sigurimit personal atë të “Detyrim paraqitje para policisë gjyqësore” të shtetasit Gëzim Çaça, i dyshuar për kryerjen e veprës penale të “Korrupsionit pasiv të personave që ushtrojnë funksione publike”, të parashikuar nga neni 259 të Kodit Penal. Ai duhet të paraqitet të hënën e parë e të tretë të çdo muaji nga ora 11.00-12.00.
Urdhërohet lirimi i tij i menjëhershëm, në rast se nuk mbahet për ndonjë vepër tjetër penale.
6.Të vleftësoj të ligjshëm arrestimin në flagrancë dhe vendosjen e masës së sigurimit personal atë të “Detyrim paraqitje para policisë gjyqësore” të shtetases Juliana Kurraj, e dyshuar për kryerjen e veprës penale të “Korrupsionit pasiv të personave që ushtrojnë funksione publike”, të parashikuar nga neni 259 të Kodit Penal. Ai duhet të paraqitet të hënën e parë e të tretë të çdo muaji nga ora 11.00-12.00.
Urdhërohet lirimi i saj i menjëhershëm, në rast se nuk mbahet për ndonjë vepër tjetër penale.
Kundër vendimit mund të bëhet ankim brenda 5 ditëve në Gjykatën e Apelit Durrës, nga e nesërmja e shpalljes.
Ndalimi dhe akuzat
Gjashtë punonjës të Policisë Kufitare me detyrë kontrollorë pranë Portit të Durrësit janë vënë në pranga në bazë të hetimeve të nisura nga Shërbimi për Çështjet e Brendshme dhe të Ankesave në Ministrinë e Brendshme me akuzën e shpërdorimit të detyrës dhe korrupsionit.
Nga hetimet, që përfshinë dhe përgjime, ka rezultuar se kontrollorët, duke përfituar ryshfet, kanë lejuar që të kalojnë pikën kufitare persona të shpallur në kërkim dhe me rekorde kriminale. Sipas Policisë, personat e arrestuar janë mbajtur nën hetim dhe përgjim për disa muaj, ndërsa ka rezultuar se me minimalisht 1000 euro ryshfet, persona me precedentë penalë dyshohet se janë lejuar të udhëtojnë nga Porti i Durrësit drejt Italisë pa lënë gjurmë në sistemin TIMS.
Skema ishte ngritur nga 6 punonjës të Policisë Kufitare me detyrë kontrollorë pranë Portit, të cilët u arrestuan me akuzën e korrupsionit pasiv dhe shpërdorimit të detyrës. Të arrestuarit bënin kontrollon e pasaportave, kur sipas burimeve nga grupi hetimor kanë bërë të mundur kalimin e personave me rekorde kriminale ose të ndaluar në zonën Shengen, duke shmangur sistemin TIMS.
Për këtë, ata merrnin shuma që varionin mbi 1000 euro. Ndërsa për persona që nuk kishin garanci ose probleme në dokumentacion, pagesa për të lejuar kalimin varionte nga 100 deri në 300 euro. Fenomeni mësohet se është evidentuar që në vitin 2018. Prej asaj kohe, 6 kontrollorët e pasaportave në Portin e Durrësit kanë qenë në hetim nga Shërbimi për Çështjet e Brendshme në bashkëpunim me Prokurorinë e Durrësit. Gjatë finalizimit të operacionit, punonjësve të Policisë iu sekuestrua në cilësinë e provës materiale 2175 euro, të dyshuara se janë përfituar në mënyrë korruptive.
Mësohet se për të realizuar kalimin e pikës kufitare të personave që kishin penalizim për të hyrë në zonën Shengen apo persona me probleme me ligjin në vendet e Bashkimit Evropian, kontrollorët e Pikës Kufitare në Portin e Durrësit përdorin metoda nga më të ndryshmet. Një prej tyre ishte stakimi i furnizimit me energji elektrike, duke bërë që udhëtarët të mos regjistroheshin në sistemin TIMS.
“Strukturat e SHÇBA-së kanë punuar prej muajsh në operacionin ‘Kontrollori’, duke hetuar me metoda speciale dhe duke arritur të provojë veprimtarinë e kundërligjshme të punonjësve të Policisë. Këta të fundit, në këmbim të vlerave monetare, bënin të mundur kalimin e paligjshëm të personave me probleme apo shtetasve që nuk iu lejohet hyrja në zonën Shengen. Gjatë kontrollit të ushtruar ndaj punonjësve, është gjetur në cilësinë e provës materiale edhe një sasi vlerash monetare në lek dhe euro, të cilat dyshohet se janë përfituar në mënyrë korruptive”, sqaroi Policia nëpërmjet një njoftimi për shtyp, duke dhënë edhe inicialet e personave të arrestuar, ndërsa po në njoftim thuhej se po punohet për identifikimin e personave të tjerë të përfshirë në këtë skemë korrupsioni. Ky nuk është rasti i parë që arrestohen punonjës Policie me detyrën e kontrollorit pranë pikës kufitare.
Dy vite më parë u arrestuan mbi 15 kontrollorë, pasi dyshohej se ishin lidhur me trafikantë dhe lejonin që nëpërmjet Pikës Kufitare të Durrësit të kalonin tonelata me lëndë narkotike dhe drogë të llojeve të ndryshme, të cilat në shumicën e rasteve u bllokuan më pas nga autoritetet italiane.
Te arrestuarit
- A.Gj., 53 vjeç, me detyrë Kontrollor në PKK Porti Durrës;
- G.B., 29 vjeç, me detyrë Kontrollore në PKK Porti Durrës;
- G.Ç., 51 vjeç, me detyrë Ndihmës Kontrollor në PKK Porti Durrës;
- D.D., 53 vjeç, me detyrë Kontrollore në PKK Porti Durrës;
- D.Z., 50 vjeç, me detyrë Kontrollor në PKK Porti Durrës;
- J.K., 42 vjeçe, me detyrë Kontrollore në PKK Porti Durrës.
