Ka raste që pavarësisht ushqyerjes së shëndetshme apo aktivitetit fizik, njeriu e ka në dukje të pamundur të humbasë kilogramët e tepërt. Në raste të tilla vijnë në ndihmë kurat tërësisht bimore që nuk e dëmtojnë organizmin. Një shembull i këtyre kurave gjendet tek çaji i dafinës me kanellë, që sipas ekspertëve të AgroËeb.org ofron një rënie të shëndetshme nga pesha. Për më tepër, ky çaj përmirëson ndjeshëm tretjen. Ekspertët shprehen se çaji i dafinës dhe kanellës është një pije e shkëlqyer dhe e shëndetshme. Si dafina, ashtu edhe kanella kanë vlera të jashtëzakonshme për përmirësimin e tretjes dhe pastrimin e organizmit.
Për përgatitjen e këtij çaji ju nevojiten: 1 litër ujë, 1 lugë çaji me kanellë pluhur, 6 gjethe dafine; 1 lugë gjelle mjaltë. Ziejeni ujin dhe kur të marrë valë shtoni kanellën e më pas gjethet e dafinës. Uleni temperaturën dhe lërini përbërësit të ziejnë për 5 minuta. Më pas hiqeni enën nga zjarri dhe lëreni mënjanë derisa lëngu të ketë një nxehtësi normale. Kullojeni atë dhe servireni në filxhan duke e ëmbëlsuar me mjaltë. Filxhani i parë duhet pirë esëll dhe më pas pjesa tjetër gjatë ditës. Këtë trajtim mund ta përdorni për 30 ditë rresht dhe nëse doni edhe më shumë për rezultate më të plota. Për personat që vuajnë nga probleme shëndetësore rekomandohet më parë konsulta me mjekun.
