Laguna e Nartës me një sipërfaqe prej 42 km katror është një nga lagunat më të rëndësishme në vendin tonë. Prej disa vitesh pasi hyri në fuqi ligji i moratoriumit të gjuetisë janë shtuar dhe shumë shpendë, të cilët tashmë këtë lagunë e kanë habitatin e tyre, flamingot, pelikanët, rosat e egra etj. Duke e bërë këtë zonë një atraksion turizmi jo vetëm për bukurinë natyrore që ofron, por edhe këta shpend që zbukurojnë lagunën e Nartës.
Flamingot, janë kthyer në banorë të përhershëm të lagunës së Nartës dhe sipas specialisteve këta zogj nuk po shtegtojnë më. Përveç bukurisë së zonës apo kishës së “Shën Mërisë” dhe ishullit të Zvërnecit, flamingot me qëndrimin e tyre unik mbi një këmbë, janë një arsye më shumë për të vizituar këtë pjesë të bukur të Shqipërisë.
