Një 23 vjeçar i shpallur në kërkim ka rënë në prangat e policisë. Shtetasi me iniciale E.D, banues në Klos kërkohej prej kohësh nga policia si i përfshirë në një konflikt, i akuzuar për “Prodhim dhe mbajtje pa leje e armeve luftarake dhe e municonit”, ”Kanosje”, ”Prishje e qetësisë publike”, dhe ”Plagosja e lehtë me dashje”.
“Finalizohet operacioni policor “Fundi i arratisë” Në pranga një 23-vjeçar i dyshuar për kryerjen e disa veprave penale.
Ky shtetas me datë 30.12.2018, në qytetin e Klosit gjatë një konflikti të çastit, dyshohet se ka qëlluar me armë zjarri pistoletë në drejtim të shtetasit E.H dhe më pas është larguar.
Për këtë shtetas Prokuroria Pranë Gjykatës së Shkallës së Parë Mat, ka caktuar masën e sigurisë “Arrest në burg”, për veprat penale “Prodhimi dhe mbajtje pa leje e armeve luftarake dhe e municonit”, ”Kanosja”, ”Prishja e qetësisë publike”, ”Plagosja e lehtë me dashje”.
Materialet proceduriale do ti referohen Prokurorisë për veprime të mëtejshme.”-njofton policia.
