Pas reagimit të ashpër të ministres së Drejtësisë për dënimin me 25 vite burg të Dritan Dajtiti, duke shpëtuar nga dënimi me burgim të përjetshëm, ka ardhur dhe reagimi i fortë i ministrit të Brendshëm, Sandër Lleshaj.
Lleshaj është shprehur i vendosur se nuk do të ketë paqe derisa ky vendim të zhbëhet dhe Dritan Dajti, i cili akuzohet për vrasjen e katër policëve, të marrë dënimin e drejtë dhe pa ndikime.
Ministri i Brendshëm tha se; “Ky vendim u dha nga njerëz të çartur, pa fe dhe atdhe që po çmenden para parasë së krimit. I siguroj familjarët e 4 dëshmorëve se përgjigja e institucioneve do të jetë e fortë dhe ligjore në respektim të plotë”.
Si pasojë e një vendimi kriminal të disa gjyqtarëve që meritojnë plotësisht të bashkohen prapa hekurave të klientëve të tyre. Kam pritur këto 48 orë sa të sigurohesha që krimi i njerëzve me imunitet ligjor dhe Kushtetutës të mos kishte si reagim vetëm një deklaratë publike, por edhe një reagim të fortë e të vendosur dhe një proces të qartë dhe ligjorë.
Edhe pse nuk mund të jap detaje, operacioni Forca e Ligjit është vënë në veprim të plotë për ta adresuar me të gjithë forcë e së drejtës atentatin e qartë, brutal dhe skandaloz që i është bërë drejtësisë në vendin tonë”, tha Lleshaj.
