Nikollë Lesi thotë se ka zbuluar që kryeministri Edi Rama ka kërcenuar ish ministrin e Jashtëm Ditmir Bushati.
Sipas një shkrimi në gazetën “Koha Jonë”, Rama mësohet t’i ketë thënë se do ta kthejë në heroin e gjashtë të “Heronjve të Vigut”.
Kjo e përditshme shkruan se Bushati nuk e ka pranuar presionin nën argumentin se e ka origjinën nga një familje e madhe që ka përballuar pushtimin turk.
“Burime të besuara tregojnë se sot në pikë të mëngjesit kryeministri ka marrë Ditmir Bushatin dhe i ka thënë se “Nëse Shkodra ka pesë heronjtë e Vigut, nga ky çast ti do të jesh heroi i 6-të i Vigut!”.
I pyetur për këtë ish-ministri Bushati nuk dha asnjë koment. Burime pranë stafit të Bushatit thonë se Ditmiri nuk ha presion se është nga familja e madhe e bushatllinjve e cila nuk ka pyetur për turkun e jo më për miqtë e turqve!
Pesë heronjtë e Vigut janë një histori shqiptare, ku pesë misionarë të lirisë nga e keqja që kishte kapur Shqipërinë u vranë në Vig të Mirditës, në pritë e pabesi. Ditmir Bushati është deputet i Shkodrës dhe zonën e Vigut e ka nën patronazh.
Historia njeh 5 heronjtë e Vigut, por jo 6 heronjtë e Vigut, siç ia ka thënë me presion dhe shantazh kryeministri.
Gjithsesi Ditmir Bushati dje bëri një akt atdhetar duke i bërë thirrje pushtetit të mos jetë brutal, por të ulet në gjetjen e një zgjidhje për Shqipërinë”, nënvizon gazeta “Koha Jonë”.
