Rudina Magjistari është një nga moderatoret më të dashura për publikun shqiptar. Në emisionin e saj “Rudina”, ajo tërheq vëmendjen e teleshikuesve edhe me veshjen, përpos të ftuarve dhe temave të trajtuara.
Një ditë më parë, moderatorja u shfaq e veshur me një fustan të verdhë me rrip të zi në mes, me geta dhe taka.
E detajin e getave e ka vënë re edhe një fanse e saj në “Instagram”, e cila e ka kritikuar Rudinën, duke i shkruar se ato nuk shkonin me këpucët dhe fustanin.
Komenti është lexuar nga moderatorja, e cila nuk ia ka kursyer përgjigjen duke i shkruar se për veshjen e saj kujdeset një departament i tërë.
“E dashur, mos kujto se unë e një departament i tërë, që kuron veshjet e mia, nuk e dinë këtë. Shëndeti është i pari, pastaj veshja”, shkruan Rudina.
