Puntata e mbrëmjes së djeshme e “Soiree”-së solli në vëmendje edhe njëherë të gjithë ata emra që dikur kanë mbushur skenat e festivaleve apo karaokeve, ama tani kanë hequr dorë nga kënga e nga skena.
Luan Manahasa, një prej emrave më të njohur të muzikës para dhe në vitet ’90 ishte një nga të ftuarit e mbrëmjes në “Soiree”.
Ai ka treguar edhe arsyen se pse u shkëputur nga muzika… arsyeja e cila nuk ishte askush tjetër, por bashkëshortja e tij.
“Ne u shtuam me një djalë dhe gruaja ime u prek nga një sëmundje. E duhej të bëja një zgjedhje. Dhe fatkeqësisht lashë këngën. Nuk mund të lija gruan dhe djalin për… Para ca vitesh kalova një hall me gruan dhe fatmirësisht e kaluam. Vij nga Gjermania dhe më pret djali i madh. Kishte bërë një tatuazh në pjesën e majtë të kraharorit, “LU-BE-MA”, Luan Beqir Mahanasa. Dhe më tha, bab, tani që më shpëtove mamin, do të të dua më shumë seç të kam dashur!”, ka rrëfyer Luani.
