I ftuar në emisionin ‘A ShoW’ në News24, publicisti Veton Surroi ka analizuar ndër të tjera edhe figurat e udhëheqësve në Kosovë.
Veton Surroi tha se presidenti Hashim Thaçi ndjek vetëm interesin e tij personal dhe është i paditur, ndërsa kryeministrin Ramush Haradinaj e konsideroi si person me inteligjencë natyrale.
![](https://ads.balkanweb.com/www/delivery/lg.php?bannerid=0&campaignid=0&zoneid=426&loc=https%3A%2F%2Fbalkanweb.com%2Fsurroi-thaci-ndjek-interesin-personal-haradinaj-inteligjent%2F&referer=https%3A%2F%2Fbalkanweb.com%2F&cb=975417e787)
“Ai ndjek interesin personal dhe nuk njeh skrupuj për të ndjekur këtë interes personal. Ai është i paditur dhe me atë mos dije ka krijuar atë karrierë politike. Është i paditur në kuptimin e ndërtimit. Njeriu mund të jetë i ditur për të thyer një mur me matrapik, por duhet të jetë i ditur edhe për të ndërtuar murin. Ai është i ditur për thyer dhe për të penguar. Albin Kurti është larg njohurive që ka Hashim Thaçi. Ramush Haradanaj ka një inteligjencë natyrore dhe aftësi për të mbledhur informata”- tha Surroi.