Që pas marrjes së detyrës së tij, Kryeministri i Kosovës, Avdullah Hoti do të vizitojë sot zyrtarisht për herë të parë Shqipërinë. Ai do të zhvillojë disa takime, mes tyre homologun e tij, Edi Rama.
Gjatë vizitës zyrtare në Shqipëri, kryeministri Hoti fillimisht do të pritet nga kryeministri Rama në Pallatin e Brigadave në orën 10:00. Pas takimit është paralajmëruar konferencë e përbashkët për shtyp e dy kryeministrave shqiptarë.
Ndërkohë, në orën 13:00 është parashikohet të mbahet takimi me presidentin Ilir Meta në Presidencë.
Më pas, Hoti do të takohet me kryetarin e Kuvendit të Shqipërisë, Gramoz Ruçi, në zyrën e këtij të fundit në orën 14:00.
Në ora 14:45 do të ketë takim në Bashkinë e Tiranës mes kryebashkiakut Erion Veliaj dhe kryeministrit Hoti. Ndërsa në fund të ditës, Hoti do të takojë edhe kryetarin e Partisë Demokratike, Lulzim Basha në selinë e parties, pikërisht në orën 15:30.
