Trupi i Michael Jackson mund të zhvarroset për tu bërë testet e ADN-së pas akuzave të reja për abuzim seksual të fëmijëve.
Të paktën 11 persona raportohet se kanë kërkuar që trupi i Mbretit të Popit të nxirret nga varri dhe ti nënshtrohet analizave të ADN-së.
Radar Online pohon se: “Provat e krimeve janë varrosur së bashku me Michael”.
Ekspertët mjeko-ligjorë thanë për Radar se gjurmët e lëkurës dhe thonjve kanë mbetur në trupin e tij.
Por lajmet janë hedhur poshtë nga Michael Jackson Estate, që bëri një deklaratë duke thënë se trupi i këngëtarit nuk do të zhvarroset për testet e ADN-së.
Ndërsa shtoi se ishin të habitur pasi askush nuk i kishte lajmëruar për këtë zhvillim të pazakontë.
“Artikulli është i mbushur me deklarata të rreme,”-shkroi Michael Jackson Estate.
