“Përshëndetje të nderuar miq, po shikoni arritjen drejt qytetit të Laçit. Po i kursej komentet dhe po u kaloj direkt pamjet e pritjes madhështore këtu në hyrje”. Me këto fjalë e nis kryedemokrati Lulzim Basha, fjalën e tij në videon e publikuar mbasditen e kësaj të enteje në Facebook.
“Me një vendosmëri të paparë të njerëzve në betejën për Shqipërinë e vlerave evropiane dhe çlirimin e vendit nga një njeri që e ka marrë peng dhe që mundohet të diktojë me kërbaç, me dhunë në kundërshtim me ligjin dhe me kushtetutën, kjo është përgjigja që merr nga shqiptarët”, tha Basha.
I rrethuar nga thirrjet “Rama Ik”, lideri i selisë blu tha se beteja dhe vendosmëria e shqiptarëve do të vijojë e përshkallëzuar deri në përmbushjen e vlerave qytetare.
