Qendra e Studimeve dhe Publikimeve për Arbëreshët (QSPA) në bashkëpunim me Institutin e Gjuhësisë dhe të Letërsisë (ASA), do të organizojnë ditën e hënë konferencën shkencore: “Poliedriku Ernest Koliqi në 120-vjetorin e lindjes”.
Në fokus të kësaj konference do të jetë figura poliedrike e Ernest Koliqit si shkrimtar, studiues, publicist, përkthyes, misionar i kulturës arbëreshe, themelues i Institutit të Studimeve Shqiptare pranë Universitetit “La Sapienza” në Romë, si dhe themelues i shumë veprimtarive e veprave monumentale.
Pritet që kjo konferencë shkencore të sjellë të dhëna të reja që nxjerrin në pah rolin që pati figura e Ernest Koliqit në përndritjen e letërsisë e të kulturës shqiptare në përgjithësi dhe të universit arbëresh në veçanti, duke ndikuar në shumë forma për ringjalljen e ndërgjegjes së identitetit etnik.
Veprimtaria mbahet me 15 maj 2023, në sallën “Europa” të Fakultetit të Gjuhëve të Huaja.
Disa nga kumtuesit kryesorë dhe temat që do të trajtohen i gjeni në vijim:
Programi i Konferencës
Përshëndetje institucionale
Ora 09.00
Diana Kastrati Drejtor ekzekutiv i QSPA-së,
Valter Memisha, ZvRektor i ASA-s
Sesioni I
09.30
Moderon: Diana Kastrati, Evalda Paci, Alfred Çapaliku
Ardian Ndreca (Universiteti Urbaniana Romë), Rreth një romani të panjohur të Ernest Koliqit
Evalda Paci (ASA): Fryma e epikës popullore shqiptare në vëzhgimet e Ernest Koliqit
Persida Asllani – Dhurata Shehri (Universiteti i Tiranës): Ernest Koliqi në kërkim të një historie të krahasuar të letërsisë shqipe
Laura Smaqi (Universiteti i Tiranës), Andrrimi në poetikën e Ernest Koliqit
Arian Leka (ASA): Nj’anak laresh prej Prendimit – konceptet e shembllesat orientale e prendimore në mendimin e Ernest Koliqit
Virion Graçi (ASA): Piksime estetike, filozofike dhe etnologjike në prozën e shkurtër të Ernest Koliqit
Pauza kafe
11.15 – 11.30
Sesioni II
11.30 – 15.00
Moderon: Ardian Ndreca; Persida Asllani, Arian Leka
Diana Kastrati (QSPA): Koliqi, konstantja e tij vizionare mbi universin arbëresh
Alfred Çapaliku (Universiteti “Luigj Gurakuqi” Shkodër): Vëllimi poetik “Gjurmat e stinve” i Ernest Koliqit
Valbona Sinanaj (ASA): Veçori gjuhësore në veprën e Ernest Koliqit
Rafaela Marteta (ASA): Nostalgjia – Kthimet (Nòstoi) e Koliqit. Fantazitë e një kalese të lavdishme
Vjollca Osja (Universiteti i Tiranës) – Gazmend Krasniqi: Koncepte historiografiko letrare në vështrimin e Koliqit – Rasti i autorëve “dytanakë”
Edlira Macaj (Universiteti i Tiranës): Mito (po) etika nё variantet e pasqyrave koliqiane
Erzen Koperaj (Universiteti “Luigj Gurakuqi” Shkodër): Dyjëzimi gjuhësor i E.Koliqit
15:00 Përfundimi i punimeve
