Sali Berisha, pavarësisht shiut, edhe sot ka dalë në protest për largimin e Edi Ramës.
Ai tha se qytetarët kërkojnë largimin e Ramës, dhe kjo gjë do të ndodhë.
“Edhe në vrimën e miut të futet, Rama nuk ka shpëtim”, ka thënë Berisha gjatë fjalës së tij.
“Kjo protestë do të përmbysë Edvin Zografin e dytë. Forcë në botë që ta shpëtojë atë nga ky vrull i fuqishëm nuk ka dhe nuk do të ketë.
Le të shkojë në shkretëtirat e largëta të Azisë dhe të Afrikës, por ai në këtë vend i ka kohërat e numëruara.
Protesta siç e sheh ti ka një vrull të madh në rritje.
Sot Tirana është kryeqyteti i botës për protestën.
Sot protesta botërore ka për kryeqytet Tiranën.
Ata fat që pësoi diktatori dhe junta, atë fat do të pësojë Edi Rama në Tiranë.
Rama të jetë i bindur që edhe në vrimën e miut të shkojë nuk do të mund të shpëtojë nga ky cunam.
Një herë ia mbath në shkretëtira, një herë në tunelet e Skraparit”, u shpreh ai.
