Vajza e vogël në fotografi, kur të rritej do të bëhej një femrat më me peshë në skenën politike shqiptare të pas viteve ’90.
Vogëlushja në të djathtë të fotos është shkodranja Jozefina Topalli.
Ajo në këtë foto ka dalë me të motrën dhe vëllanë.
Ish-kryetarja e Kuvendit dhe ish-deputetja Topalli ka deklaruar se në fëmirinë e saj jetonte në një shtëpi me nënën, babain, motrën dhe vëllan.
Në një shtëpi me ta ka jetuar edhe xhaxhai i zonjës Topalli, me të cilin ajo ka patur një lidhje shumë të ngushtë.
“Ai jetonte me ne dhe më bënte mua që të ndihesha e madhe dhe e rëndësishme, më bënte edhe qefin duke më thënë që të dilja dhe të shkoja nëpër mbrëmje vallëzimi. Sigurisht që për atë kohë, këto gjëra nuk mund t’i bënin të gjithë, xhaxhai ishte idhulli im, sepse ishte shumë mendje hapur, ishte edhe i studiuar jashtë shtetit. Ai më ka mësuar edhe dashurinë për librat”, deklaronte në një intervistë zonja Topalli.
Por vitet ikën me shpejtësi dhe vogëlushja në foto zuri poste të rëndësishme në skenën e politikës shqiptare për vite me radhë.
