Pavarësisht se motra e tij, Rudina Hajdari ka zgjedhur të jetë deputete e Kuvendit, duke dalë kundër partisë së saj, vëllai i saj Kiri është shfaqur në protestë.
Djali i madh i Azem Hajdarit përkundër zgjedhjes së motrës është shfaqur përkrah kreut të PD-së Lulzim Bashës dhe ish-kryeministrit Sali Berisha.
“”Unë jam djali i Azem Hajdarit. Amaneti i Azemi Hajdarit qëndron tek ju dhe të gjithë demokratët. Liri Demokraci! Rama ik, Rama ik!””. – tha Kiri Hajdari ndersa foli ne protestën para parlamentit. Pas fjalës së tij protestuesit brohoritën në kor: “Azem, Azem ti je gjallë”.
Kujtojmë që vetë kreu i PD-së ka paralajmëruar motrën e tij me përjashtim nga partia, por si duket pavarësisht kësaj Kiri nuk është ndikuar që të mos jetë i pranishëm në protestë.
Nga ana tjetër Hajdari u shpreh në rrjetet sociale se është konsultuar me SHBA dhe BE dhe se shumë shpejt do ta bëjë publike vendimin e saj.
