Princi Harry dhe Meghan kanë vendosur të heqin dorë nga të qenit anëtarë të familjes mbretërore dhe se do të ndajnë kohën e tyre mes Mbretërisë së Bashkuar dhe Amerikës së Veriut.
Në një deklaratë të lëshuar nga Buckingham Palace, çifti tha se ata planifikojnë të “krijojnë një rol të ri progresiv brenda këtij institucioni”.
Ata thanë se synojnë të punojnë për t’u bërë të pavarur financiarisht.
Në deklaratën e tyre, të postuar edhe në faqen e tyre në Instagram, çifti tha se ata morën vendimin “pas shumë muajsh reflektimi dhe diskutimesh të brendshme”.
“Ne synojmë të tërhiqemi si anëtarë të Familjes Mbretërore dhe të punojmë për t’u bërë të pavarur financiarisht, ndërsa vazhdojmë të mbështesim plotësisht Madhërinë e saj, Mbretëreshën”, shkruajnë ata në Instagram.
