Amazona prej disa ditësh është duke u djegur, çka ka alarmuar krejt botën.
Kjo, për shkakun se Amazona konsiderohet si mushkëria e botës dhe shkatërrimi i saj do të sillte pasoja të tmerrshme në ndryshimet klimaterike.
Brazili ka dërguar edhe ushtrinë për shuarjen e flakëve, ndërsa zjarret në Amazona u kthyen në temë diskutimi edhe në takimin e G7, me kërkesë të Emanuel Macron.
Drejtuesit e 7 shteteve më të zhvilluara të botës premtuan se do të japin ndihmë teknike dhe financiare për të ndihmuar në fikjen e zjarreve, edhe pse presidenti brazilian nuk e ka pranuar një gjë të tillë.
Biznesmenë dhe artisë të ndryshëm ndërkohë, kanë vënë në dispozicion shuma të ndryshme për fikjen e zjarreve.
Vetëm aktori Leonardo Di Caprio, dhuroi 5 milionë dollarë.
