Kreu i Lidhjes Demokratike të Kosovës, Isa Mustafa, ka dhënë një mesazh për presidentin e Kosovës, Hashim Thaçi, dhe idenë për korrigjim të kufirit, duke i thënë se ai mund t’i korrigjojë vetëm mezhdat e arave të veta, dhe assesi kufijtë e Kosovës.
Sipas tij, hapja e dialogut për kufijtë është vetagresion ndaj shtetit dhe territorit, shkruan Gazeta Express.
I pari i LDK-së ka thënë se nëse dikujt i ka mbetur të bëjë pazare me kufijtë, duke iu referuar presidentit Thaçi, ai mund t’i korrigjojë vetëm mezhdat e arave të veta.
Kundër korrigjimit të kufijve është edhe kreu i Qeverisë, Ramush Haradinaj.
Postimi i plotë:
Qytetarë të nderur,
Për LDK-në, kufijtë e Kosovës janë të paprekshëm.
Është i ndaluar dialogu për kufijtë, për territorin, për pavarësinë e shpallur më 17 shkurt 2008! Hapja e dialogut për kufijtë, është vetagresion daj shtetit dhe territorit të Kosovës.
Nëse dikuj i ka mbetur të bëjë pazare me korrigjimin e kufijve, ai mund të korrigjoj vetëm mexhat e arave të veta, jo kufijtë e Kosovës.
